ياااااااه فتح عين والله وهو على فراش الموت فتح عين

Admin المساهمات : 185 تاريخ التسجيل : 16/02/2011

ياااااااه فتح عين والله وهو على فراش الموت فتح عين
السلام عليكم ورحمة الله وبركاته

بداية ادعوا لبابا حبيبى ربنا يشفيه ويصرف عنه ويعافيه هو وجميع مرضى المسلمين

أنا بابا يا جماعة كان فى العناية من فترة ربنا يشفيه وكانت حالته النفسية سيئة وبيبكى كتير وخايف من لقاء الله وألام المرض كانت شديدة عليه ربنا يصرف عنه وكلنا ما كناش بنبطل عياط وطبعا كان فى حالات كتير معاه وكان فى واحد نعرفه فى العناية كان مريض جدا وفى غيبوبة وفى مرحلة متأخرة

فى يوم وأنا رايحة لبابا لقيته متأثر جدا وكانت مرات الراجل المريض دة عند بابا وزارته ولقيت بابا بيقول سبحان الله عارفة فلان المريض دة مراته كانت عندى النهارة وزارتنى بقولها هو عامل ايه قالتلى الحمد لله فتح عين ياااااااااااااااااااااااااااااااه الكلمة دى أثرت فى بابا وفينا جدا أد كدة أحنا مش حاسين بنعمك يارب مفتحين عنينا الاتنين وبنستعمل ايدينا الاتنين وبنقف على رجلينا الاتنين عقلنا موجود والحمد لله واعى لما بندخل الحمام مبنحتجش لإنسان تانى عشان ينضفنا لسانا شغال بننطق ونتكلم براحتنا قال تعالى(ووإن تعدوا نعمت الله لا تحصوها) وفى الاخر كام مرة قلنا الحمد لله زى الست دى ما قالت عن زوجها الى مفتحش غير عين بس أكيد فى نعم كتير جدا من نعم ربنا عليه هو كمان لأن ربنا نعمه لا تعد ولا تحصى ادعوله بالرحمة لأنه مات وكان سنه صغير ربنا يرحمه ويحسن اليه وهنا بابا حس بالنعمة الى هو فيها صحيح الالم شديدة وكتيرة لكن النعم أكثر وأكثر الحمدلله على كل حال

متنسيش حمد ربك وشكره لو إنسان عملك معروف فى حياتك أنقذك من موقف لا تحسدى عليه هتفضلى شايلهوله طول عمرك وهتذكيه لاخير دائما وتفضلى مدينه له بالشكر مابالك بربك سبحانه وتعالى الكريم العظيم الى نعمه عليكى لا تعد ولا تحصى
قولوا الحمد لله والشكر لله