المره دي بقي جايبه حاجه فريده من نوعها هي مش قوي لان عندنا في بيتنا الايام دي ظروف فاستعجالي والمره الجايه هيبقي فيه اتقان باذن الله
دي حدوته في مخي من زمان تقريبا بابا اللي كان بيحكهالي او بقي ابله فضيه ماهي ماما مكنتش بتعرف تصحيني الا ب ابله فضيله فدي حدوته عن واحده فلاحه بس طماعه
هتقولولي ايه اللي فريد من نوعه يا فلحه بقي هقولكم استنوا شوفوا طورتها وعملتها ايه
فهمتوا
يلا بسم الله نحكي كان يا ماكان كان في زمااااااااان زمان خالص واحده ست فلاحه وكان اسمها الفلاحه فتكات الست فتكات الفلاحه كان عندها بيت وقدام البيت عامله مزرعه ومربيه فيها حيوانات وطيور اليفه زي ايه يا حلوين زي الحصان والبقره والمعزه والخروف والطيور الاليفه زي ايه الفرخه والديك والبطه وعلشان هم حيوانات وطيور اليفه فالحاجه فتكات تعرف تربيهم في بيتها (دي رسم بسبس الشقيه اختي والباقي رسمي)
وكانت الست فتكات الفلاحه كل يوم تجمع اللبن بتاع البقره والبيض بتاع الفراخ وكمان تعمل جبنه وتاخد دول كلهم تحطهم في سبت وتشيلهم علي راسها وتروح تبيعهم في السوق بتاع القريه اللي جنبها الست فتكات الفلاحه تدخل تلبس طرحتها وتجهز السبت وبعدين تمشي علي الطريق الترابي لغايه ما توصل للسوق اللي في القريه اللي جنبهم تبيع الحاجه وتاخد بدلهم فلوس وتشتري الفطير وتروح بيتها تاني وتهتم بمزرعتها وفي يوم من الايام الست فتكات الفلاحه لبست طرحتها واخدت السبت اللي جهزت فيه اللبن والبيض والجبنه وخرجت من بيتها علشان تروح السوق تبيعهم وهي ماشيه علي الطريق الترابي مين شافها التعلب المكار كان مستخبي ورا شجره لتعلب المكار قال انا جعان والست دي معاها جبنه ولبن وبيض لازم اضحك عليها بحيله مكاره واخد منها الحاج واكلها وقام التعلب المكار جري في وسط الشجر لغاية ما سبقها بكتر وقام طالع علي الطريق فرد رجليه وفرد ايده وغمض عينيه وعمل نفسه ميت الست فتكات الفلاحه وصلت لغاية الثعلب المكار الست فتكات طمعت وقالت :ايه ده تعلب ميت ممكن اخده واسلخ جلده وابيعه في السوق لكن قالت مش لازم مش هيجيب فلوس كتير انا هعلم مكان ما هو موجود وانا راجعه لو لقيته اخده وقالت اه هعلم مكان بالشجره اللي وقعه جنبه دي ومشت وسابت التعلب المكار
التعلب قال لا لازم احاول معاها تاني وفعلا التعلب المكار قعد يجي في وسط الشجر علشان الست فتكات الفلاحه متشفهوش لغاية ما سبقها وطلع تاني الثعلب علي الطريق الترابي قبل ما الست فتكات الفلاحه توصله وعمل نفسه ميت الست فتكات الفلاحه وصلت قالت:ايه ده كمان تعلب ميت لا انا ارجع بسرعه اخد التعلب اللي فات واخدهم الاتنين هيجيبوا فلوس كتير لو بعت جلدهم وعلشان ارجع بسرعه احط السبت اللي فيه الحاجه جنب التعلب ده واجيب التاني بسرعه ومشيت الست فتكات بسرعه علشان تجيب التعلب التاني اول ما مشت قام التعلب وكشف الغطا اللي علي السبت وقعد ياكل لغاية ما خاص كل الحاجه وبعدها جري ومشي وصلت الست فتكات ملقتش التعلب اللي كان ميت جنب الشجره رجعت تاني وهي مستغربه وبتفكر وتقول :انا شايفاه بعنيا راح فين ده
ورجعت لغاية المكان اللي كان فيه التعلب التاني ايه اللي حصل مفيش تعلب وكمان مفيش جبنه ولا لبن ولا بيض يا خبر ابيض مش عقول ندمت الست فتكات الفلاحه وقالت هو ده جزاء الطماع ويارتني ماكنت طمعت وكنت مشيت في حالي ورجعت لبيتها وهي زعلانه وعملت العشاء وبتقولكم
بصوا بقي علشان الحكايه متقلبش نار و ثورة 25 اللي مش هتقيم قصدي ترد ولا دي عادي اللي مين غير زعل تنقل القصه منتدي تاني امانه في رقبتها تقول انها من فتكات وتقول كمان للعضوه مين انا كل قصصي والله اتنقلت منتديات تاني عادي مش بزعل لكن دي بجد هزعل لو حد اخدها واشتال كلمة فتكات ودي امانه امنهالكم قدام ربنا وانتوا حرين
وفي نهاية اللقاء احب ان اوجه للفتوكات الاعزاء اموووووووووووا
الأربعاء أبريل 27, 2011 6:54 pm
