فى جلسة نسائية وحوار عن ثقافة الأبناء الجنسية

Admin المساهمات : 185 تاريخ التسجيل : 16/02/2011

بسم الله الرحمن الرحيم ..

بدون مقدمات ..

كنا فى جلسة نسائية ..

مُحبة الخير -

هناء ،ام لطفلين صغيرين (7 و6 سنوات) -

سامية ،أم تانية لطفلين (12 و10 سنوات )..

وفتحنا موضوع ألعاب الأطفال على الكمبيوتر ..

هناء : تعرفوا إن اتفاجأت لما جه ابنى يقولى :
(الحقى يا ماما ،اختى جابت لعبة وحشة خاااااااالص)

قلت له فيها ايه يعنى ؟؟

قال :الست بتقلع كل هدومها عشان نلبسها احنا ..

وقتها عملت كده

وجريت قفلت لكمبيوتر وقلت لهم :

عقابا ليكم مش هاتكملوا لعب عليه ....

قلت : بس انا شايفة إن تصرفك مش صح ...!!

قالت بشدة : ازاى ، يعنى اسيبهم يكملوا لعب ؟؟

قلت :لاء..بس لازم تفهميهم إن فى حاجة اسمها عورة ..

تفهميهم إن الإسلام خلق جسمنا وأجسام الناس وجعلها عورات .

وحرام نشوف عورة أى حد وندور عليها ..

هم مش ذنبهم إنهم فتحوا لهبة ولاقوها كده ..

لازم تنمى عندهم الرقبة الذاتية .

هناء : طب واعمل ايه فى الألعاب دى ؟؟

قلت : لازم تراقبى اولادك .. تشوفى اللعبه قبل ما يدخلوا عليها ..

هل صح إنى اخليها ولا احذفها ..؟؟

ولو شافوا حاجه ييجوا يقولولك عشان تحذفيها ..

ويحطوا ايدهم على اى منظر وحش ..

كمان الطفل بيكون عنده فضول معرفى ،وعاوز يعرف كل حاجة عن جسمه ..

لو قفلتى قدامه كل شيءهاتلاقيه يدور عى اى حاجة تساعده فى معرفة اللى عاوزه..

هناء : ازاى يا شيخة ، ما احنا اتربينا ولا عرفنا حاجة خالص ؟؟

قلت : ده جيل زمان اللى ما فيهوش نت ولا وسائل اتصالات زى دلوأتى ..

سامية : تعرفى ،عندك حق ..أنا بنتى اللى فى أولى اعدادى أزهر ،عندها فى الفقه الطهارة والجماع والمنى والحاجات الغريبة دى..وبتسألنى فيها ..

قلت :ازاى اسألتها ؟؟

قالت : سألتنى عن المنى ، فهمتها -إن زى ما الدورة بتيجى للست والبنت كعلامة من علامات البلوغ -

الراجل بيجى له المنى كعلامة من علامات بلوغه وبيكون لونه أبيض ..

تعرفى عملت ايه؟؟

قلت متشوقة للمعرفة : هااااااه ..عملت ايه ؟

عاوزين تعرفوا ؟؟؟؟

تابعونى >>>>>>>>>>>>>>>>

الفهرس

(تنمية الرقابة الذاتية لدى الأطفال )

(بابا ..انت عندك مَنْيِ..؟؟)

(لعبة الإفتراضات ورد على سؤال)

(أنس ..تعرف إي عن البلوغ ؟؟)

( كلمة عيب إمته نقولها )

(ازاى افهم الولد وازاى افهم البنت ؟؟)

(ليه فتحت الموضوع ده ؟؟)

( ليه بنكون محرجين من ولادنا ؟؟)

(ازاى أن عرفت واتجرأت ؟؟)

(حوار سامية مع هدوء المكتئبة )

(تابع الحوار +لتخفيف اعراض آلام البيريود )

(تابع نهاية حوار سامية وهدوء)

(فهمى ببساطة عشان منعقدش البنت )

(ابنى 5 سنين ،اعمل ايه معاه )

(بنتى منطوية ..اعمل ايه ؟؟)

(ليه كنت هاوقف الموضوع ؟؟)

زهراء وأحمد أخوها وحديث عن البلوغ

ياترى أحمد عرف ازاى العلاقة الزوجية ؟؟

لازم تكونى ازاى وانتى بتدى المعلومات للمراهق؟؟

ليه زهراء قالت الحقيقة وماكدبتش على أحمد أو هربت؟؟

أساليب أصدقاء السوء فى ايقاع الولد المهذب.

نصيحه مهمه لأم بتدور على المثاليه ما شاء الله.